U-19 ವನಿತಾ ಏಷ್ಯಾ ಕಪ್‌: ಫೈನಲ್‌ಗೆ ಭಾರತ

Team Udayavani, Dec 21, 2024, 1:19 AM IST

ಸಿಂಗಾಪುರ: ಕೊನೆಯ ಸೂಪರ್‌-4 ಪಂದ್ಯದಲ್ಲಿ ಶ್ರೀಲಂಕಾ ವನ್ನು 4 ವಿಕೆಟ್‌ಗಳಿಂದ ಮಣಿಸಿದ ಭಾರತ, ಅಂಡರ್‌-19 ವನಿತಾ ಟಿ20 ಏಷ್ಯಾ ಕಪ್‌ ಕ್ರಿಕೆಟ್‌ ಪಂದ್ಯಾವಳಿಯ ಫೈನಲ್‌ಗೆ ಲಗ್ಗೆ ಹಾಕಿದೆ. ರವಿವಾರದ ಪ್ರಶಸ್ತಿ ಸಮರದಲ್ಲಿ ಬಾಂಗ್ಲಾದೇಶ ಎದುರಾಗಲಿದೆ.

ಶುಕ್ರವಾರದ ಮುಖಾಮುಖಿಯಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಶ್ರೀಲಂಕಾ 9 ವಿಕೆಟಿಗೆ 98 ರನ್‌ ಮಾಡಿ ದರೆ, ಭಾರತ 14.5 ಓವರ್‌ಗಳಲ್ಲಿ 6 ವಿಕೆಟಿಗೆ 102 ರನ್‌ ಮಾಡಿತು. ಎಡಗೈ ಸ್ಪಿನ್ನರ್‌ ಆಯುಷಿ ಶುಕ್ಲಾ ಕೇವಲ 10 ರನ್‌ ವೆಚ್ಚದಲ್ಲಿ 4 ವಿಕೆಟ್‌ ಉಡಾಯಿಸಿ ಶ್ರೀಲಂಕಾಕ್ಕೆ ಕಡಿವಾಣ ಹಾಕಿದರು. ಮತ್ತೋರ್ವ ಎಡಗೈ ಸ್ಪಿನ್ನರ್‌ ಪರುಣಿಕಾ ಸಿಸೋಡಿಯಾ 2 ವಿಕೆಟ್‌ ಉರುಳಿಸಿದರು. ಶ್ರೀಲಂಕಾ ಸರದಿಯಲ್ಲಿ ನಾಯಕಿ ಮನುದಿ ನಾನಾಯಕ್ಕರ ಸರ್ವಾಧಿಕ 33 ಹಾಗೂ ಸುಮುದು ನಿಸನ್ಸಲ 21 ರನ್‌ ಮಾಡಿದರು.

ಚೇಸಿಂಗ್‌ ವೇಳೆ ಭಾರತದ 2 ವಿಕೆಟ್‌ 5 ರನ್‌ ಆಗುವಷ್ಟರಲ್ಲಿ ಉರುಳಿತ್ತು. ಜಿ. ತ್ರಿಷಾ 32, ಜಿ. ಕಮಲಿನಿ 28, ಮಿಥಿಲಾ ವಿನೋದ್‌ ಔಟಾಗದೆ 17 ರನ್‌ ಮಾಡಿ ಗೆಲುವು ತಂದಿತ್ತರು.