Gujarath: ಕಛ್‌ಗೆ  ಭೇಟಿ ನೀಡಿ: ಬಿಗ್‌ಬಿಗೆ ಪ್ರಧಾನಿ ಮೋದಿ ಸಲಹೆ

Team Udayavani, Oct 15, 2023, 10:48 PM IST

“ಮುಂಬರುವ ದಿನಗಳಲ್ಲಿ ಗುಜರಾತ್‌ನ ಕಛ್‌ನಲ್ಲಿ ರಣ್‌ ಉತ್ಸವ್‌ ನಡೆಯಲಿದೆ. ಇದಕ್ಕೆ ನೀವು ಭೇಟಿ ನೀಡಿ. ಅಲ್ಲದೇ ನರ್ಮದಾ ನದಿ ತೀರದ ಏಕತಾ ಪ್ರತಿಮೆಯನ್ನು ವೀಕ್ಷಿಸಿ” ಎಂದು ಬಾಲಿವುಡ್‌ ನಟ ಅಮಿತಾಭ್‌ ಬಚ್ಚನ್‌ ಅವರಿಗೆ ಪ್ರಧಾನಿ ನರೇಂದ್ರ ಮೋದಿ ಸಲಹೆ ನೀಡಿದ್ದಾರೆ.

“ಕೈಲಾಸ ಪರ್ವತದ ಧಾರ್ಮಿಕತೆ, ನಿಗೂಢತೆ, ದಿವ್ಯತೆಯು ಬಹಳ ಹಿಂದಿನಿಂದಲೂ ಕುತೂಹಲ ಕೆರಳಿಸಿದೆ. ವಿಪರ್ಯಾಸವೆಂದರೆ ನನ್ನ ಜೀವಮಾನದಲ್ಲಿ ಇಲ್ಲಿಗೆ ಭೇಟಿ ನೀಡಲು ಸಾಧ್ಯವಿಲ್ಲ’ ಎಂದು ಅಮಿತಾಭ್‌ ಟ್ವಿಟರ್‌ನಲ್ಲಿ ಬೇಸರ ವ್ಯಕ್ತಪಡಿಸಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿರುವ ಪ್ರಧಾನಿ ಮೋದಿ ಈ ಸಲಹೆ ನೀಡಿದ್ದಾರೆ. ಇತ್ತೀಚೆಗೆ ಉತ್ತರಾಖಂಡದ ಪಾರ್ವತಿ ಕುಂಡ್‌ ಮತ್ತು ಜಗೇಶ್ವರ್‌ ದೇಗುಲಕ್ಕೆ ಪ್ರಧಾನಿ ಮೋದಿ ಭೇಟಿ ನೀಡಿ, ಪೂಜೆ ಸಲ್ಲಿಸಿದ್ದರು.