UV Fusion: ಆದದ್ದೆಲ್ಲ ಒಳ್ಳೆಯದಕ್ಕೆ ಆಗಿದೆ

Team Udayavani, Dec 17, 2024, 9:49 PM IST

ನಮ್ಮ ಅನುಭವಕ್ಕೆ ನೂರೆಂಟು ಘಟನೆಗಳು ನಿತ್ಯವೂ ಬರುತ್ತಲೆ ಇರುತ್ತವೆ ಅದರಲ್ಲಿ ಒಳ್ಳೆಯದು ಕೆಟ್ಟದ್ದೂ ಎರಡು ಇರುತ್ತವೆ. ಈ ಸಮಯದಲ್ಲಿ ನಾವು ಚಿತ್ತಭ್ರಾಂತಿಗೆ ಒಳಗಾದರೆ ಬದುಕು ನಶ್ವರವೆನಿಸುತ್ತದೆ ಅಲ್ಲದೆ ಜಗತ್ತಿನಲ್ಲಿ ಯಾರೂ ನೋಡದ,ಅನುಭವಿಸದ ಸಮಸ್ಯೆಗಳು ನಮಗೆ ಬಂದಿಲ್ಲ ಎಂಬುದನ್ನು ನಾವು ಮನಗಾಣಬೇಕು. ಹೀಗಾದಾಗ ಪ್ರತಿ ಸಮಸ್ಯೆಯು ನಮಗೆ ದುಃಖವನ್ನು ತರುವುದಿಲ್ಲ. ನಮ್ಮ ಹಿರಿಯರೆ ಹೇಳಿಲ್ಲವೆ “ಬಂದಿದ್ದೆಲ್ಲ ಬರಲಿ ಗೋವಿಂದನ ದಯವೊಂದಿರಲಿ’ ಎಂದು ಬರುವುದನ್ನು ತಡೆಯಲಾಗುವುದಿಲ್ಲ, ಬರದಿರುವುದನ್ನು ಕರೆಸಲಾಗುವುದಿಲ್ಲ ಹೀಗಿದ್ದಾಗ ನಾವಂದುಕೊಂಡಂತೆ ಬದುಕು ನಡೆಯುವುದಿಲ್ಲ.

ನಾವು ನೀವೆಲ್ಲ ಚಿಕ್ಕದೊಂದು ಸಮಸ್ಯೆಗೆ ಸಿಲುಕಿ ಮೈಮೇಲೆ ಮುಗಿಲು ಹರಿದು ಬಿದ್ದಂತೆ ಚಿತ್ತಗ್ಲಾನಿಗೊಳಗಾಗುತ್ತೇವೆ. ಸೀತೆಯಂತೆ ನಾವು ಅಗ್ನಿಪ್ರವೇಶ ಮಾಡುವ ಪ್ರಮೆಯ ನಮಗೆ ಬಂದಿಲ್ಲ, ಅಹಲೆÂಯಂತೆ ಕಲ್ಲಾಗುವ ಶಾಪವನ್ನು ನಾವು ಪಡೆದಿಲ್ಲ, ಹರಿಶ್ಚಂದ್ರನಂತೆ ನಾವು ಮಸಣ ಕಾಯುವ ಸಮಯ ಬಂದಿಲ್ಲ, ಪಾಂಡವರಂತೆ ವನವಾಸಕೆ ಹೋಗುವ ಪ್ರಸಂಗ ಬಂದಿಲ್ಲ , ಸೀತೆಯ ಅಪಹರಣದಂತ ದುಸ್ತರ ಸಮಯ ಬಂದಿಲ್ಲ, ಇವರೆಲ್ಲರ ಮುಂದೆ ನಮ್ಮ ಸಮಸ್ಯೆ ಕೇವಲ ತೃಣಸಮಾನ ಅಷ್ಟೆ.

ನಮ್ಮಲ್ಲಿನ ಆತ್ಮಸ್ಥೆರ್ಯ ಕಳೆದುಕೊಂಡು ಎದೆಗುಂದಿ, ಲೋಕದ ಅಪವಾದಕೆ ಅಂಜುತ ನಾವು ಬದುಕಬೇಕಾಗಿಲ್ಲ. ಈ ಚಿಂತೆಗಳು ಆ ಸೂರ್ಯ ಚಂದ್ರರಿಗೆ ಗ್ರಹಣದ ರೂಪದಲ್ಲಿ ಕಾಡುವಾಗ ನಮ್ಮಂತವರಿಗೆ ಯಾವ ಲೆಕ್ಕ. ನಾನು ಹಾಗಾಗಬೇಕಿತ್ತು,ಹೀಗಾಗಬೇಕಿತ್ತು ಎನ್ನುವ ಕನಸುಗಳೆಲ್ಲ ನುಚ್ಚು ನೂರಾದರೂ ನಡೆದ ಘಟನೆಗಳೆ ಜೀವನದಲ್ಲಿ ನಿಮ್ಮನ್ನು ಗಟ್ಟಿಯಾಗಿ ನಿಲ್ಲಿಸುತ್ತವೆ. ಪ್ರತಿ ಕ್ಷಣಗಳನ್ನು ಅನುಭವಿಸಿ ಹಿಗ್ಗದೆ ಕುಗ್ಗದೆ ಸಮಚಿತ್ತದಿಂದ ಜೀವನ ನಡೆಸಿ ಆದದ್ದೆಲ್ಲ ಒಳ್ಳೆಯದಕ್ಕೆ ಆಗಿದೆ, ಮುಂದೆ ಆಗುವುದು ಒಳ್ಳೆಯದೆ ಆಗಿರುತ್ತದೆ ಎನ್ನುವ ಭಗವದ್ಗೀತೆಯ ಸಾಲನ್ನು ಮೈಗೂಡಿಸಿಕೊಂಡು ಬಾಳ್ಳೋಣ.

 ಶಂಕರಾನಂದ ಹೆಬ್ಟಾಳ