ನಿನ್ನ ಕಂಡಾಗ ಜಗವ ಮರೆತ ಪದವೊಂದು ನಾನು

Team Udayavani, Feb 13, 2020, 5:43 PM IST

ಇರದೆ ಕೋಗಿಲೆ ಬರಿದಾದಂತೆ ಮಾಮರ

ಕಾಣದ ಅಂತರಾಳದಲ್ಲಿ ನಿನ್ನದೇ ವೇದನೆ ನಿರಂತರ

ಕನಸೇ ಕಾಣದ ಕಣ್ಣಿಗೆ ಜೊತೆಯಾದೆ ನೀನು ಇದ್ದಂತೆ ಸಾಗರ ತೀರ

ಬಯಸುವೆನು ಎಂದೆಂದು ಇರಲಿ ನಮ್ಮಿಬ್ಬರ ನಡುವಿನ ಪ್ರೇಮ ಅಮರ

ಭಾವನೆಗಳ ಬೆನ್ನಟ್ಟಿ ಹೋಗುವ ಆವೇಗಕ್ಕೆ ನೆನಪುಗಳೇ ಬೇಲಿ

ಅವಶೇಷಗಳ ಹುಡುಕುವ ಆವೇಶಕ್ಕೆ ಕನಸುಗಳೇ ಹಾವಳಿ

ನಾ ಬರೆವ ಪದಗಳಲಿ ಮರೆಯಲಾಗದ ಸಾಲುಗಳು ನೀನು

ನಿನ್ನ ಕಂಡಾಗ ಜಗವ ಮರೆತ ಪದವೊಂದು ನಾನು

ದಿನ ಕಳೆದಂತೆ ಮನದ ನನ್ನ ವಿಸ್ಮಯ ಲೋಕದಿ ನಿನ್ನ ನರ್ತನ

ಕೈ ಜೋಡಿಸಿ ಕಣ್ಣೀರ ಚಿಲುಮೆಯೋಳು ಜೊತೆ ಮಾಡಲು ನಮ್ಮ  ಬೇಡುವೆ ಸೃಷ್ಟಿ ಕರ್ತನ

ಪ್ರೇಮಿಗಳಾಗಿ ನೋಡಲು ನಮ್ಮ  ನಾಚಿ ನೀರಾಗುತಿದೆ ಭೂಮಿ – ಭಾನು

ಸ್ವೀಕರಿಸಿ ನನ್ನವಳಾಗಿ ನಿನ್ನ ಇಂದು ಮಡಿಲಲ್ಲಿ ಮಲಗುವೆ ಮಗುವಂತೆ ನಾನು

– ಶಾಂತಿಪ್ರಸಾದ್ ಶೆಟ್ಟಿ