ಬೆಂಗಳೂರು-ಕಲಬುರಗಿ ವಿಮಾನಯಾನ ಆರಂಭ! ಮೊದಲ ದಿನವೇ ಉತ್ತಮ ಸ್ಪಂದನೆ

ಕಲಬುರಗಿ: ಲಾಕ್ ಡೌನ್ ಸಡಿಲಿಕೆ ಮಾಡಿ ದೇಶೀಯ ವಿಮಾನಯಾನ ಆರಂಭಿಸಿದ ಮೊದಲ ದಿನವೇ ರಾಜಧಾನಿ ಬೆಂಗಳೂರು ಮತ್ತು ಕಲಬುರಗಿ ನಡುವೆ ವಿಮಾನ ಹಾರಾಟ ನಡೆಯಿತು. ‌ ಎರಡು ತಿಂಗಳ ನಂತರ ಸೋಮವಾರ ಬೆಳಿಗ್ಗೆ ಬೆಂಗಳೂರಿನಿಂದ ಹೊರಟ ಸ್ಟಾರ್ ಏರ್ ವಿಮಾನವು 9.45ಕ್ಕೆ ಇಲ್ಲಿನ ಸೇಡಂ ರಸ್ತೆಯಲ್ಲಿರುವ ವಿಮಾನ ನಿಲ್ದಾಣಕ್ಕೆ ಬಂದಿಳಿಯಿತು. 50 ಸೀಟುಗಳ ಸಾಮರ್ಥ್ಯದ ವಿಮಾನದಲ್ಲಿ ಉದ್ಯಾನ ನಗರಿಯಿಂದ 25 ಜನ ಪ್ರಯಾಣಿಕರು ಸೂರ್ಯ ನಗರಿಗೆ ಬಂದಿಳಿದರು.