ಕೆಂಜಾರು ವಿಮಾನ ದುರಂತ: ಕರಾವಳಿ ಮರೆಯಲಾಗದ ದುರ್ಘಟನೆಗೆ ಹತ್ತು ವರ್ಷ: ಹೇಗಾಯ್ತು? ಏನಾಯ್ತು?

ಆ ಸ್ಥಳದ ಸ್ಥಿತಿಯಾದರೂ ಹೇಗಿತ್ತು…? ರಜಾದಿನಗಳನ್ನು ಕಳೆದು ಊರಿಗೆ ಹಿಂತಿರುಗುತ್ತಿದ್ದ ಕುಟುಂಬಗಳು ; ಮದುವೆಯಾಗಲೆಂದು ಅರಬ್ ನಾಡಿನಿಂದ ಹುಟ್ಟೂರಿಗೆ ಮರಳುತ್ತಿದ್ದವರು ; ಒಂದೇ ಮನೆಯ ಐದು ಜೀವಗಳು ; ತನ್ನವರಿಗೆ ಸರ್ಪೈಸ್ ವಿಸಿಟ್ ನೀಡಲೆಂದು ಬಂದಿದ್ದವರು ; ಆಸ್ಪತ್ರೆಯಲ್ಲಿದ್ದ ತಾಯಿಯನ್ನು ನೋಡಲೆಂದು ಬರುತ್ತಿದ್ದವರು ; ಶಸ್ತ್ರಚಿಕಿತ್ಸೆಗೆಂದು ಊರಿಗೆ ಬರುತ್ತಿದ್ದವರು… ಹೀಗೆ ಆ ವಿಮಾನದಲ್ಲಿದ್ದ ಪ್ರಯಾಣಿಕರೆಲ್ಲರ ಕನಸು, ಆಸೆ, ಆಕಾಂಕ್ಷೆಗಳೂ ಕ್ಷಣಮಾತ್ರದಲ್ಲಿ ಸುಟ್ಟು ಬೂದಿಯಾಗಿತ್ತು. ಈ ಘೋರ ದುರಂತದ ಕಹಿ ನೆನಪುಗಳನ್ನು ಭೂತಕಾಲದಲ್ಲಿರಿಸಿ ಆ ದಿನ ಜೀವತೆತ್ತ 158 ಅಮಾಯಕರಿಗೆ ಹನಿ ಕಣ್ಣೀರು ಮಿಡಿಯುವುದಷ್ಟೇ ನಾವಿಂದು ಆ ಜೀವಗಳಿಗೆ ಸಲ್ಲಿಸಬಹುದಾದ ಶ್ರದ್ಧಾಂಜಲಿಯಾಗಿದೆ.