ವಿದ್ಯುತ್‌ ಬಿಲ್‌ ಗೊಂದಲ ಉಳ್ಳಾಲ ಮೆಸ್ಕಾಂ ಕಚೇರಿ ಎದುರು ಜಮಾಯಿಸಿದ ಗ್ರಾಹಕರು

ಉಳ್ಳಾಲ: ಲಾಕ್‌ಡೌನ್‌ ಹಿನ್ನಲೆಯಲ್ಲಿ ಎರಡು ತಿಂಗಳ ಮೆಸ್ಕಾಂ ಬಿಲ್‌ನಲ್ಲಿ ಗ್ರಾಹಕರಿಂದ ಹೆಚ್ಚುವರಿಯಾಗಿ ವಸೂಲಿಯಾಗುತ್ತಿದೆ ಎಂದು ಆರೋಪಿಸಿ ಗ್ರಾಹಕರು ಉಳ್ಳಾಲ ಮೆಸ್ಕಾಂ ಕಚೇರಿ ಎದುರು ಜಮಾಯಿಸಿದ್ದರಿಂದ ಕೆಲ ಕಾಲ ಗೊಂದಲ ಉಂಟಾದ ಘಟನೆ ಮಂಗಳವಾರ ಸಂಭವಿಸಿದೆ. ಬಿಲ್‌ ಬಗ್ಗೆ ಮೆಸ್ಕಾಂ ಅಧಿಕಾರಿಗಳು ಸ್ಪಷ್ಟನೆ ನೀಡಿದ ಬಳಿಕ ಕೆಲವರು ಬಿಲ್‌ ಪಾವತಿಸದರೆ, ಇನ್ನು ಕೆಲವರು ವ್ಯವಸ್ಥೆ ಬಗ್ಗೆ ಖೇದ ವ್ಯಕ್ತಪಡಿಸಿದರು. ಎಪ್ರಿಲ್‌ ಬಿಲ್‌ ಗ್ರಾಹಕರಿಗೆ ತಲುಪಿಸಿರಲಿಲ್ಲ. ಆದರೆ ಮೇ ತಿಂಗಳಲ್ಲಿ ಬಿಲ್‌ ನೀಡಿದಾಗ ಎರಡು ತಿಂಗಳ ಬಿಲ್‌ನಲ್ಲಿ ಗೊಂದಲ ಉಂಟಾಗಿದ್ದು, ಮಂಗಳವಾರ ಬಿಲ್‌ನೊಂದಿಗೆ ಗ್ರಾಹಕರು ಮೆಸ್ಕಾಂ ಕಚೇರಿಗೆ ಧಾವಿಸಿ ತರಾಟೆಗೆ ತೆಗೆದುಕೊಂಡರು. ಅಲ್ಲದೆ ಬಿಲ್‌ನಲ್ಲಿ ನಮೂದಾಗಿರುವ ಇತರ ಕಾಲಂನಲ್ಲಿ ಬಡ್ಡಿ ಹಣ ಹಾಕಲಾಗಿದೆ ಎಂದು ಆರೋಪಿಸಿದರು.