ನಕಲು ಮಾಡಲು ಪ್ರಾಂಶುಪಾಲರಿಂದಲೇ ಟಿಪ್ಸ್‌

Team Udayavani, Feb 21, 2020, 6:50 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಪರೀಕ್ಷೆಗಳು ಹತ್ತಿರವಾದಾಗ ಸಾಮಾನ್ಯವಾಗಿ ಶಾಲೆಗಳಲ್ಲಿ ವಿಶೇಷ ತರಗತಿಗಳನ್ನು ನಡೆಸಿ ಮಕ್ಕಳಿಗೆ ಕಷ್ಟವಾಗುವ ವಿಷಯ ಅಥವಾ ಪಠ್ಯವನ್ನು ಮತ್ತೂಮ್ಮೆ ಹೇಳಿಕೊಡುವ ಅಥವಾ ಪ್ರಮುಖ ವಿಷಯಗಳ ಬಗ್ಗೆ ಮಾಹಿತಿ ನೀಡುವ ಕೆಲಸಗಳು ಶಾಲೆಗಳಲ್ಲಿ ನಡೆಯುತ್ತವೆ.

ಆದರೆ ಉತ್ತರ ಪ್ರದೇಶದ ಮೌ ಜಿಲ್ಲೆಯ ಖಾಸಗಿ ಶಾಲೆಯೊಂದರಲ್ಲಿ ಪರೀಕ್ಷೆಯಲ್ಲಿ ಹೇಗೆ ನಕಲು ಮಾಡಬೇಕು ಎಂಬುದನ್ನು ಹೇಳಿಕೊಡಲಾಗುತ್ತದೆ. ಶಾಲೆಯ ವ್ಯವಸ್ಥಾಪಕ ಮತ್ತು ಪ್ರಾಂಶುಪಾಲ ಪ್ರವೀಣ್‌ ಮಾಲ್‌, 10ನೇ ತರಗತಿ ವಿದ್ಯಾರ್ಥಿಗಳಿಗೆ ಪರೀಕ್ಷೆಯಲ್ಲಿ ಹೇಗೆ ನಕಲು ಮಾಡಬೇಕು ಎಂದು ಹೇಳಿಕೊಡುತ್ತಿರುವ ವೀಡಿಯೋ ವೈರಲ್‌ ಆಗಿದೆ.

ನೀವು ಚೀಟಿಗಳಿಂದ ನಕಲು ಮಾಡುವಾಗ ಪರೀಕ್ಷಕರು ನಿಮ್ಮನ್ನು ಹಿಡಿದರೂ ನೀವು ಶಿಸ್ತು ಕಾಪಾಡಬೇಕು. ಮತ್ತೊಬ್ಬರ ಕೈ ಮುಟ್ಟುವುದು, ಅವರನ್ನು ಕರೆಯುವುದು, ಮಾತನಾಡುವುದನ್ನು ಮಾಡಬೇಡಿ. ನೀವು ನಕಲು ಮಾಡಲು ಹೆದರಬೇಡಿ, ಶಿಕ್ಷಕರು ನನ್ನ ಸ್ನೇಹಿತರು.

ಅವರು ಹೆಚ್ಚೆಂದರೆ ನಿಮಗೆ ಎರಡೇಟು ಹೊಡೆಯಬಹುದು. ನಿಮಗೆ ಉತ್ತರ ಗೊತ್ತಿಲ್ಲದಿದ್ದರೂ ಏನಾದರೂ ಬರೆಯಿರಿ. ಆಗ ನಿಮಗೆ ಅರ್ಧ ಅಂಕವಾದರೂ ಸಿಗುತ್ತದೆ ಎನ್ನುತ್ತಾರೆ. ಕಡೆಯಲ್ಲಿ ಪ್ರಾಶುಪಾಲರು ಬಂಧಿತರಾಗುತ್ತಾರೆ!