Tamil Nadu; ದೇವಸ್ಥಾನದ ಹೋರ್ಡಿಂಗ್ ನಲ್ಲಿ ಕಾಣಿಸಿಕೊಂಡ ಮಿಯಾ ಖಲೀಫಾ ಫೋಟೋ !!

Team Udayavani, Aug 8, 2024, 5:54 PM IST

ಚೆನ್ನೈ: ತಮಿಳುನಾಡಿನ ಕಾಂಚೀಪುರಂ ಜಿಲ್ಲೆಯಲ್ಲಿ ಧಾರ್ಮಿಕ ಉತ್ಸವಕ್ಕಾಗಿ ಅಳವಡಿಸಲಾಗಿದ್ದ ಹೋರ್ಡಿಂಗ್‌ನಲ್ಲಿ ಮಾಜಿ ನೀಲಿಚಿತ್ರ ತಾರೆ ಮಿಯಾ ಖಲೀಫಾ ಅವರ ಚಿತ್ರ ಕಾಣಿಸಿಕೊಂಡಿರುವುದು ಮುಜುಗರಕ್ಕೆ ಕಾರಣವಾಗಿದೆ.

ತಮಿಳುನಾಡಿನಾದ್ಯಂತ ಇರುವ ದೇವಾಲಯಗಳಲ್ಲಿ ‘ಅಮ್ಮನ್’ ದೇವಿಯನ್ನು ಪೂಜಿಸುವ ‘ಆದಿ’ ಹಬ್ಬಕ್ಕಾಗಿ ಈ ಹೋರ್ಡಿಂಗ್ ಅನ್ನು ಅಳವಡಿಸಲಾಗಿತ್ತು. ಆಚರಣೆಗಳು ಪ್ರತಿ ಹಳ್ಳಿಯಲ್ಲಿ ವಿಶಿಷ್ಟವಾಗಿರುತ್ತವೆ, ಹಲವಾರು ದಿನಗಳವರೆಗೆ ನಡೆಯುವ ಉತ್ಸವದಲ್ಲಿ ಭಕ್ತರು ಭಾಗವಹಿಸುತ್ತಾರೆ.

ಈ ಬೃಹತ್ ಹಬ್ಬದ ಭಾಗವಾಗಿ, ಕುರುವಿಮಲೈನಲ್ಲಿರುವ ನಾಗತಮ್ಮನ್ ಮತ್ತು ಸೆಲ್ಲಿಯಮ್ಮನ್ ದೇವಾಲಯಗಳಲ್ಲಿ ಹಬ್ಬದ ದೀಪಗಳ ಜತೆಗೆ ಹೋರ್ಡಿಂಗ್‌ಗಳನ್ನು ಹಾಕಲಾಗಿದ್ದು, ಅದರಲ್ಲಿ ಮಿಯಾ ಖಲೀಫಾ ಅವರ ಚಿತ್ರವು ದೇವತೆಗಳ ಚಿತ್ರಗಳೊಂದಿಗೆ ಕಾಣಿಸಿಕೊಂಡಿದ್ದು ಹೋರ್ಡಿಂಗ್‌ ನ ಫೋಟೋ ವೈರಲ್ ಆಗಿದೆ. ಮಿಯಾ ಖಲೀಫಾ ಚಿತ್ರವನ್ನು ತಲೆಯ ಮೇಲೆ ಹಾಲಿನ ಬಿಂದಿಗೆ( ಪಾಲ್ ಕುಡಮ್) ಒಯ್ಯುತ್ತಿರುವಂತೆ ಕಾಣುವಂತೆ ಮಾರ್ಪಡಿಸಲಾಗಿತ್ತು. ಚಿತ್ರ ವೈರಲ್ ಆದ ನಂತರ ಟೀಕೆಯೂ ವ್ಯಕ್ತವಾಗಿದ್ದು ಪೊಲೀಸರು ಸ್ಥಳಕ್ಕೆ ಆಗಮಿಸಿ ಅದನ್ನು ತೆಗೆದುಹಾಕಿದ್ದಾರೆ.