Football: ಸಿಡಿಲು ಬಡಿದು ಕ್ರೀಡಾಂಗಣದಲ್ಲೇ ಉಸಿರು ಚೆಲ್ಲಿದ ಫುಟ್ಬಾಲ್ ಆಟಗಾರ… ವಿಡಿಯೋ

Team Udayavani, Feb 12, 2024, 3:44 PM IST

ಯಾರ ಆಯುಷ್ಯ ಎಷ್ಟು ಸಮಯ ಅಂತ ಹೇಳಲು ಯಾರಿಂದಲೂ ಸಾಧ್ಯವಿಲ್ಲ, ಅದರಂತೆ ಕ್ರೀಡಾಂಗಣವೊಂದರಲ್ಲಿ ನಡೆಯುತ್ತಿದ್ದ ಫುಟ್ಬಾಲ್ ಪಂದ್ಯಾವಳಿ ವೇಳೆ ಆಟಗಾರನೊಬ್ಬನಿಗೆ ಸಿಡಿಲು ಬಡಿದು ಕೊನೆಯುಸಿರೆಳೆದಿದ್ದಾನೆ.

ಇಂಡೋನೇಷ್ಯಾದಲ್ಲಿ ನಡೆದ ಆಘಾತಕಾರಿ ಘಟನೆಯಾಗಿದ್ದು, ಕಳೆದ ಶನಿವಾರ ಮಧ್ಯಾಹ್ನ ಫುಟ್ಬಾಲ್ ಪಂದ್ಯಾವಳಿ ನಡೆಯುತ್ತಿದ್ದ ವೇಳೆ ಸಿಡಿಲು ಬಡಿದು ಫುಟ್ಬಾಲ್ ಆಟಗಾರ ಕ್ರೀಡಾಂಗಣದಲ್ಲೇ ಉಸಿರು ಚೆಲ್ಲಿದ್ದಾನೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು ನೋಡುವಾಗಲೇ ಮೈ ಜುಂ ಎನ್ನುತ್ತದೆ.

ಕಳೆದ ಶನಿವಾರ ಪಶ್ಚಿಮ ಜಾವಾದ ಬಂಡಂಗ್‌ನಲ್ಲಿರುವ ಸಿಲಿವಾಂಗಿ ಸ್ಟೇಡಿಯಂನಲ್ಲಿ ಸುಬಾಂಗ್‌ ಮತ್ತು ಬಂಡಂಗ್ ತಂಡದ ನಡುವೆ ನಡೆಯುತಿದ್ದ ಸೌಹಾರ್ದಯುತವಾದ ಪಂದ್ಯದಲ್ಲಿ ಸುಬಾಂಗ್‌ ತಂಡದಲ್ಲಿ ಭಾಗವಹಿಸಿದ್ದ ಸೆಪ್ಟೈನ್ ರಹರ್ಜಾ ಎಂಬ ವ್ಯಕ್ತಿ ಕ್ರೀಡಾಂಗಣದಲ್ಲಿ ಆಟವಾಡುವ ವೇಳೆ ಸಿಡಿಲು ಬಡಿದಿದೆ ಕೂಡಲೇ ಅಲ್ಲಿದ್ದ ಇತರ ಆಟಗಾರರು ಆತನನ್ನು ಕೂಡಲೇ ಹತ್ತಿರದ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಲಿಲ್ಲ ಅಷ್ಟೋತ್ತಿಗಾಗಲೇ ಆತನ ಪ್ರಾಣ ಪಕ್ಷಿ ಹಾರಿಹೋಗಿತ್ತು.

ಫುಟ್ಬಾಲ್ ಆಟಗಾರನ ಅಕಾಲಿಕ ಅಗಲಿಕೆಗೆ ಫುಟ್ಬಾಲ್ ಅಭಿಮಾನಿಗಳು ಮತ್ತು ಆಟಗಾರರು ಸಂತಾಪವನ್ನು ವ್ಯಕ್ತಪಡಿಸಿದ್ದಾರೆ.

This happened during a football match in Indonesia 🇮🇩 pic.twitter.com/JHdzafaUpV

— Githii (@githii) February 11, 2024