India Gate; ಅಸಹ್ಯ ಟವೆಲ್ ಡ್ಯಾನ್ಸ್ ಮಾಡಿದ ಮಾಡೆಲ್: ಆಕ್ರೋಶ

Team Udayavani, Nov 20, 2024, 3:46 PM IST

ಹೊಸದಿಲ್ಲಿ: ಇಂಡಿಯಾ ಗೇಟ್ ಮುಂದೆ ಬಿಳಿ ಟವೆಲ್ ಧರಿಸಿ ಅಸಹ್ಯವಾಗಿ ಡ್ಯಾನ್ಸ್ ಮಾಡುತ್ತಿರುವ ವಿಡಿಯೋವನ್ನು ಕೋಲ್ಕತಾದ ಮಾಡೆಲ್ ಒಬ್ಬಾಕೆ ಶೇರ್ ಮಾಡಿದ್ದು, ಇದು ಆಕ್ರೋಶಕ್ಕೆ ಕಾರಣವಾಗಿದೆ.

ಮಿಸ್ ಕೋಲ್ಕತ್ತಾ ಸ್ಪರ್ಧೆಯ 2017 ರ ವಿಜೇತೆ ಎಂದು ಹೇಳಿಕೊಳ್ಳುವ ಸನ್ನತಿ ಮಿತ್ರಾ, ಈ ಹಿಂದೆ ದುರ್ಗಾ ಪೂಜೆಯ ಮಂಟಪದಲ್ಲಿ ಕ್ಲೀವೇಜ್-ಬೇರಿಂಗ್ ಟಾಪ್ಸ್ ಧರಿಸಿರುವ ಇತರ ಇಬ್ಬರು ಮಹಿಳೆಯರೊಂದಿಗೆ ವಿವಾದಾತ್ಮಕ ಫೋಟೋದಲ್ಲಿ ಕಾಣಿಸಿಕೊಂಡಿದ್ದರು.

ಹೊಸ ವಿಡಿಯೋ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ. ಬಿಳಿ ಟವೆಲ್ ಸುತ್ತಿಕೊಂಡು ಬಾಲಿವುಡ್ ಹಿಟ್ ಚಲನಚಿತ್ರ ‘ದಿಲ್ವಾಲೆ ದುಲ್ಹನಿಯಾ ಲೇ ಜಾಯೇಂಗೆ’ ಹಾಡಿಗೆ ಡಾನ್ಸ್ ಮಾಡಿದ್ದಾಳೆ. ಮಕ್ಕಳೂ ಸೇರಿದಂತೆ ಪ್ರವಾಸಿಗರ ದೊಡ್ಡ ಗುಂಪು, ಸುತ್ತಲೂ ಇರುವಾಗ ಆಕೆ ಸುತ್ತಿಕೊಂಡಿದ್ದ ಟವೆಲ್ ತೆರೆದು ಮೈಮಾಟ ತೋರುವುದನ್ನು ಕಾಣಬಹುದು.