Wives: 6 ಪತ್ನಿಯರ ಗಂಡನಿಗೆ ಮೊದಲು ಯಾರಿಂದ ಮಗು ಪಡೆಯಬೇಕೆನ್ನುವುದೇ ಗೊಂದಲ ಅಂತೆ.!

Team Udayavani, Apr 11, 2023, 12:26 PM IST

ಬ್ರೆಜಿಲ್: ಪತಿ – ಪತ್ನಿ ಹೇಳಿದ ಮೇಲೆ ಸಂಸಾರದಲ್ಲೊಂದು ಮುದ್ದಾದ ಮಗುವಿರಬೇಕು. ಗಂಡೋ – ಹೆಣ್ಣೊ ಎರಡು ಮಕ್ಕಳಾದರೂ ಇರಬೇಕು. ಆದರೆ ಇಲ್ಲೊಬ್ಬ ವ್ಯಕ್ತಿಗೆ ಆರು ಜನ ಪತ್ನಿಯರು ಇದ್ದಾರೆ. ಈತ ತನ್ನ ಕುಟುಂಬದ ವಾರಸುದಾರನನ್ನು ಯಾರಿಂದ ಪಡೆಯಬೇಕೆನ್ನುವ ಕನ್‌ ಫ್ಯೂಸ್‌ ನಲ್ಲಿ ಇದ್ದರಂತೆ.!

ಬ್ರೆಜಿಲ್‌ನ ಸಾವೊ ಪಾಲೊ ಮೂಲದ 37 ವರ್ಷದ ಆರ್ಥರ್ ಒ ಉರ್ಸೊ ಎನ್ನುವ ವ್ಯಕ್ತಿಗೆ 9 ಜನ ಪತ್ನಿಯರಿದ್ದರು. ಬಳಿಕ ಮೂವರಿಗೆ ವಿಚ್ಚೇದನ ನೀಡಿದ್ದಾರೆ. ಲುವಾನಾ ಕಝಾಕಿ, ಎಮೆಲಿ ಸೌಜಾ, ವಲ್ಕ್ವಿರಿಯಾ ಸ್ಯಾಂಟೋಸ್, ಒಲಿಂಡಾ ಮಾರಿಯಾ,ಡಾಮಿಯಾನಾ ಮತ್ತು ಅಮಂಡಾ ಅಲ್ಬುಕರ್ಕ್ ಎಂಬುವವರು ಈತನ ಪತ್ನಿಯರು.

ಆದರೆ ಈ ಆರು ಜನ ಪತ್ನಿಯರಲ್ಲಿ ತಾನು ಯಾರಿಂದ ಮಗು ಪಡೆಯಬೇಕೆನ್ನುವ ಗೊಂದಲ ಆರ್ಥರ್ ಒ ಉರ್ಸೊ ಅವರದು. ಈ ಹಿಂದೆ ಇದ್ದ ಪತ್ನಿಯಿಂದ ಈತ ಒಂದು ಹೆಣ್ಣು ಮಗುವನ್ನು ಪಡೆದಿದ್ದಾನೆ. ಈಗ ಆರ್ಥರ್ ಒ ಉರ್ಸೊನಿಗೆ ಗಂಡು ಮಗುಬೇಕು.

ಇದನ್ನೂ ಓದಿ: ಈಕೆಯದ್ದು ನಿಜವಾದ ಸ್ವಚ್ಛ ಭಾರತ..; ಅಂಕೋಲಾ ಮಹಿಳೆಯ ಕೆಲಸಕ್ಕೆ ಆನಂದ್ ಮಹೀಂದ್ರಾ ಮೆಚ್ಚುಗೆ

ತನ್ನ ಯಾವ ಪತ್ನಿಯರಿಗೂ ನಿರಾಶೆ ಮಾಡಲು ನನಗೆ ಇಷ್ಟವಿಲ್ಲ. ಇದು ನನ್ನನು ತುಂಬಾ ಸಮಯ ಗೊಂದಲದಲ್ಲಿ ಇರುವಂತೆ ಮಾಡಿತ್ತು. ಬಾಡಿಗೆ ತಾಯ್ತನ (Surrogacy) ದಿಂದ ಮಗು ಪಡೆಯಲು ನಿರ್ಧಾರಸಿದ್ದೇವೆ ಎಂದು ಹೇಳುತ್ತಾರೆ ಆರ್ಥರ್ ಒ ಉರ್ಸೊ.

ನನಗೆ 10 ಜನ ಹೆಂಡತಿಯರು ಇರಬೇಕು. ಅವರಿಂದ ಒಂದೊಂದು ಮಗು ಪಡೆಯಬೇಕೆನ್ನುನ ಕನಸಿದೆ ಎಂದು 6 ಪತ್ನಿಯರ ಗಂಡ ಆರ್ಥರ್ ಒ ಉರ್ಸೊ ಹೇಳುತ್ತಾರೆ.

ಬಾಡಿಗೆ ತಾಯ್ತನದ ಪ್ರಕ್ರಿಯೆಗೆ ಆರ್ಥರ್ ಒ ಉರ್ಸೊ ಲಕ್ಷಾಂತರ ರೂ. ಖರ್ಷು ಮಾಡಿದ್ದಾರೆ. ಭವಿಷ್ಯದಲ್ಲಿ ಮಕ್ಕಳನ್ನು ದತ್ತು ಪಡೆದುಕೊಳ್ಳುವ ಯೋಚನೆಯನ್ನು ಅವರು ಮಾಡಿಕೊಂಡಿದ್ದರಂತೆ.