Shocking: ರಿಪೇರಿ ಮಾಡುತ್ತಿದ್ದ ವೇಳೆ ಸ್ಫೋಟಗೊಂಡ ಮೊಬೈಲ್… ಭಯಾನಕ ವಿಡಿಯೋ ವೈರಲ್

Team Udayavani, Jan 8, 2024, 3:49 PM IST

ಆಗ್ರಾ: ಅಂಗಡಿಯಲ್ಲಿ ಮೊಬೈಲ್ ರಿಪೇರಿ ಮಾಡುತ್ತಿದ್ದ ವೇಳೆ ಏಕಾಏಕಿ ಮೊಬೈಲ್ ಸ್ಫೋಟಗೊಂಡಿದ್ದು ಅದೃಷ್ಟವಶಾತ್ ವ್ಯಕ್ತಿ ಪ್ರಾಣಾಪಾಯದಿಂದ ಪಾರಾದ ಘಟನೆ ಆಗ್ರಾದಲ್ಲಿ ಸಂಭವಿಸಿದೆ, ಸದ್ಯ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ವಿಡಿಯೋದಲ್ಲಿ ಯುವಕನೊಬ್ಬ ಅಂಗಡಿಯಲ್ಲಿ ಮೊಬೈಲ್ ರಿಪೇರಿ ಮಾಡುತ್ತಿದ್ದು, ಏಕಾಏಕಿ ಮೊಬೈಲ್ ಸ್ಫೋಟಗೊಂಡು ಬೆಂಕಿ ಹೊತ್ತಿಕೊಂಡಿರುವುದು ವಿಡಿಯೋದಲ್ಲಿ ಕಂಡು ಬಂದಿದೆ.

ಮೊಬೈಲ್ ರಿಪೇರಿ ಮಾಡುವ ವೇಳೆ ಯುವಕನಿಗೆ ಕರೆಯೊಂದು ಬಂದಿದೆ ಈ ವೇಳೆ ತನ್ನ ಮೊಬೈಲ್ ನಲ್ಲಿ ಮಾತನಾಡುತ್ತಿರುವ ವೇಳೆ ಸ್ಫೋಟಗೊಂಡಿದೆ.

ಈ ಘಟನೆ ಜನವರಿ 7 ರಂದು ಪಿನಾಹತ್ ಪಟ್ಟಣದ ನಂದಗನ್ವಾನ್ ತಿರಾಹೆಯಲ್ಲಿರುವ ಅಂಕುಶ್ ಮೊಬೈಲ್ ಕೇಂದ್ರದಲ್ಲಿ ನಡೆದಿದ್ದು. ಅಂಕುಶ್ ಶರ್ಮಾ ಎಂಬ ವ್ಯಕ್ತಿ ತನ್ನ ಅಂಗಡಿಯಲ್ಲಿ ಮೊಬೈಲ್ ರಿಪೇರಿ ನಡೆಸುತ್ತಿದ್ದ ವೇಳೆ ಆತನ ಮೊಬೈಲ್ ಗೆ ಕರೆಯೊಂದು ಬಂದಿದೆ ಈ ವೇಳೆ ಮಾತನಾಡುತ್ತಿರುವ ವೇಳೆ ರಿಪೇರಿ ನಡೆಸುತ್ತಿದ್ದ ಮೊಬೈಲ್ ಸ್ಪೋಟಗೊಂಡು ಬೆಂಕಿ ಕಾಣಿಸಿಕೊಂಡಿದೆ ಕೂಡಲೇ ಯುವಕ ಅಲ್ಲಿಂದ ಎದ್ದ ಪರಿಣಾಮ ದೊಡ್ಡ ಅಪಾಯ ತಪ್ಪಿದಂತಾಗಿದೆ.

આગ્રામાં મોબાઈલ રિપેરિંગની દુકાનમાં Apple ફોનને રિપેર કરતા સમયે અચાનક વિસ્ફોટ, માંડ-માંડ બચ્યો દુકાનદાર…..! #agra #mobileblast #blast #ZEE24KALAK #video #viralvideo pic.twitter.com/6SZyPOQL8c

— Zee 24 Kalak (@Zee24Kalak) January 8, 2024