Viral Video ; ಬರ್ತ್ ಡೇ ದಿನ ಮುದ್ದಾದ ಶ್ವಾನಗಳೊಂದಿಗೆ ಧೋನಿ ಸಂಭ್ರಮ

Team Udayavani, Jul 8, 2023, 5:19 PM IST

ರಾಂಚಿ : ಭಾರತದ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರು ರಾಂಚಿಯ ಫಾರ್ಮ್‌ಹೌಸ್‌ನಲ್ಲಿ ಸಾಕಿರುವ ಮುದ್ದಾದ ನಾಯಿಗಳೊಂದಿಗೆ ಕೇಕ್ ಕಟ್ ಮಾಡಿ ಸಂಭ್ರಮಿಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಕೋಟ್ಯಂತರ ಜನರ ಹೃದಯ ಗೆದ್ದಿದೆ.

ಚೆನ್ನೈ ಸೂಪರ್ ಕಿಂಗ್ಸ್‌ನ ಲೆಜೆಂಡರಿ ಕ್ರಿಕೆಟಿಗ, ಧೋನಿ ಅವರು ಜುಲೈ 7,ರಂದು ತಮ್ಮ 42 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಕ್ರಿಕೆಟ್ ಐಕಾನ್ ಧೋನಿ ಅವರಿಗೆ ಭಾರತದಾದ್ಯಂತ ಮಾತ್ರವಲ್ಲದೆ ಪ್ರಪಂಚದಾದ್ಯಂತದ ಅಭಿಮಾನಿಗಳು ಪ್ರೀತಿ ಮತ್ತು ಶುಭಾಶಯಗಳ ಮಹಾಪೂರ ಸುರಿಸಿದ್ದಾರೆ.

 

View this post on Instagram

 

A post shared by M S Dhoni (@mahi7781)

ವಿನಮ್ರತೆ ಮತ್ತು ಪ್ರಾಣಿಗಳ ಮೇಲಿನ ಪ್ರೇಮಕ್ಕೆ ಹೆಸರುವಾಸಿಯಾದ ಧೋನಿ, ಜುಲೈ 8 ರಂದು ಹೃದಯಸ್ಪರ್ಶಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ, ರಾಂಚಿ ಫಾರ್ಮ್‌ಹೌಸ್‌ನಲ್ಲಿ ತಮ್ಮ ನಾಲ್ಕು ಸಾಕು ನಾಯಿಗಳೊಂದಿಗೆ ವಿಶಿಷ್ಟವಾದ ಆಚರಣೆಯನ್ನು ಅಭಿಮಾನಿಗಳಿಗಾಗಿ ಹಂಚಿಕೊಂಡಿದ್ದಾರೆ. ಈ ವೀಡಿಯೊ ತಕ್ಷಣವೇ ಇನ್ಸ್ಟಾಗ್ರಾಂನಲ್ಲಿ ವೈರಲ್ ಆಗಿದೆ. ಪ್ರಪಂಚದಾದ್ಯಂತದ ಅಭಿಮಾನಿಗಳಿಂದ ಅಪಾರ ಪ್ರೀತಿ ಮತ್ತು ಮೆಚ್ಚುಗೆಯನ್ನು ಗಳಿಸಿದೆ.