Viral Video: ಲಾಟರಿಯಲ್ಲಿ ಮಿಲಿಯನ್‌ ಡಾಲರ್‌ ಗೆದ್ದ ಬಳಿಕ ವೇದಿಕೆಯಲ್ಲೇ ಕುಸಿದ ಮಹಿಳೆ

Team Udayavani, Jan 2, 2024, 10:52 AM IST

ವಾಷಿಂಗ್ಟನ್:‌ ಲಾಟರಿಯಲ್ಲಿ ಮಿಲಿಯನ್‌ ಡಾಲರ್‌ ಗೆದ್ದ ಮಹಿಳೆಯೊಬ್ಬರು ವೇದಿಕೆಯಲ್ಲೇ ಕುಸಿದು ಬಿದ್ದಿರುವ ಘಟನೆಯ ವಿಡಿಯೋ ವೈರಲ್‌ ಆಗಿದೆ.

ನ್ಯೂಯಾರ್ಕ್‌ ಪೋಸ್ಟ್‌ನ ವರದಿಯ ಪ್ರಕಾರ, ಅಮೆರಿಕದ ಉತ್ತರ ಕೆರೊಲಿನಾದ ಪಮೇಲಾ ಬ್ರಾಡ್ಶಾ ಎನ್ನುವ ಮಹಿಳೆ ಹಿಂದೆಂದೂ ನ್ಯೂಯಾರ್ಕ್ ನಗರಕ್ಕೆ ಭೇಟಿ ನೀಡಿಲ್ಲ. ಸ್ಟೇಟ್‌ ಲಾಟರಿ ಅವರು ಡ್ರಾಯಿಂಗ್‌ ಒಂದನ್ನು ಆಯೋಜನೆ ಮಾಡಿದ್ದು, ಇದರ ಎರಡನೇ ಸುತ್ತಿನಲ್ಲಿ ಆಯ್ಕೆಯಾಗುವ ಮೂಲಕ ನಗರಕ್ಕೆ ವಿಐಪಿ ಪ್ರವಾಸದ ಅವಕಾಶವನ್ನು ಪಮೇಲಾ ಪಡೆದುಕೊಂಡರು.

$1 ಮಿಲಿಯನ್ ಗೆಲ್ಲುವ ಅವಕಾಶವನ್ನು ಪಡೆದ ಐವರು ಪವರ್‌ಬಾಲ್ ಆಟಗಾರರಲ್ಲಿ ಪಮೇಲಾ ಬ್ರಾಡ್ಶಾ ಒಬ್ಬರಾಗಿದ್ದರು.

ಹೊಸ ವರ್ಷದ ಮುನ್ನ ದಿನ ರಾಕಿನ್ ಈವ್ ಈವೆಂಟ್ ಎನ್ನುವ ಕಾರ್ಯಕ್ರಮದಲ್ಲಿ ಐವರನ್ನು ನಿಲ್ಲಿಸಿ ಮಿಲಿಯನ್ ಡಾಲರ್‌ ಗೆಲ್ಲುವವರ ಹೆಸರನ್ನು ಘೋಷಿಸಿದ್ದಾರೆ. “ಪಮೇಲಾ! ನೀವು ಮಿಲಿಯನೇರ್!” ಎಂದು ಹೇಳುತ್ತಿದ್ದಂತೆ ಖುಷಿಯಿಂದ ಪಮೇಲಾ ವೇದಿಕೆ ಮೇಲೆಯೇ ಕುಸಿದು ಬಿದ್ದಿದ್ದಾರೆ. ಒಂದು ಕ್ಷಣ ಇದು ಸತ್ಯವೆನನ್ನುವುದನ್ನು ನಂಬಲಾಗದೆ ಅವರು ಭಾವುಕರಾಗಿದ್ದಾರೆ.

“ನನ್ನದೇ ಆದ ಸ್ವಂತ ಮನೆ ಮಾಡಲು ನಾನು ಇಷ್ಟಪಡುತ್ತೇನೆ. ಅಲಂಕಾರಿಕ ಅಥವಾ ದೊಡ್ಡದಾದ ಯಾವುದೂ ಅಲ್ಲ, ಸ್ವಲ್ಪ ಕಾಟೇಜ್ ,ಒಂದು ಅಥವಾ ಎರಡು ಬೆಡ್‌ರೂಮ್‌ಗಳನ್ನು ಹೊಂದಿರುವ ಏನಾದರೂ..” ಎಂದು ಅವರು ಹೇಳಿರುವುದಾಗಿ ವರದಿ ತಿಳಿಸಿದೆ.

The time is finally here… 👀

Our Powerball First Millionaire of the Year is…

Pamela Bradshaw from North Carolina! #PowerballRockinEve #RockinEve pic.twitter.com/2FcQXhWr0A

— New Year’s Rockin’ Eve (@RockinEve) January 1, 2024