Viral Video: ಆಟವಾಡುವ ವಸ್ತುವೆಂದು ತಿಳಿದು ಹಾವನ್ನೇ ಕಚ್ಚಿಕೊಂದ ಒಂದು ವರ್ಷದ ಮಗು.!

Team Udayavani, Aug 21, 2024, 2:56 PM IST

ಪಾಟ್ನಾ: ಒಂದು ವರ್ಷದ ಮಗುವೊಂದು ಹಾವನ್ನು ಕಚ್ಚಿ ಕೊಂದಿರುವ ಅಚ್ಚರಿಯ ಘಟನೆ ಬಿಹಾರದಲ್ಲಿ ನಡೆದಿರುವುದು ವರದಿಯಾಗಿದೆ.

ಫತೇಪುರ್ ಪೊಲೀಸ್ ಠಾಣೆ ವ್ಯಾಪ್ತಿಯ ಜಮುಹರ್ ಗ್ರಾಮದಲ್ಲಿ ಶನಿವಾರ (ಆಗಸ್ಟ್ 17) ಈ ಘಟನೆ ನಡೆದಿದ್ದು, ರಿಯಾಂಶ್ ಎನ್ನುವ ಒಂದು ವರ್ಷದ ಮಗು ಹಾವನ್ನು ಕಚ್ಚಿ ಕೊಂದಿದೆ.

ಮನೆಯ ಟೆರೇಸ್‌ ನಲ್ಲಿ ಮಗು ಆಡುತ್ತಿತ್ತು. ಈ ವೇಳೆ ಎಲ್ಲಿಂದಲೂ ಹಾವೊಂದು ಮಗುವಿನ ಪಕ್ಕಕ್ಕೆ ಬಂದಿದೆ. ಆದರೆ ಮಗು ಆ ಹಾವನ್ನು ಆಟದ ಸಾಮಾಗ್ರಿವೆಂದು ತಿಳಿದು ಅದನ್ನು ಕೈಯಲ್ಲಿಟ್ಟು, ಬಾಯಿಯಲ್ಲಿ ಅಗೆದು ಕೊಂದಿದೆ. ಆ ಬಳಿಕ ಬಿಸಾಕಿದೆ.

ಈ ಘಟನೆಯನ್ನು ನೋಡಿದ ಮಗುವಿನ ತಾಯಿ ಆಘಾತಗೊಂಡು, ಮಗುವನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾಳೆ. ಆಸ್ಪತ್ರೆಯಲ್ಲಿ ಮಗುವಿನ ಪಕ್ಕದಲ್ಲಿ ಹಾವು ಸತ್ತು ಬಿದ್ದಿರುವ ಘಟನೆಯನ್ನು ವಿವರಿಸಿದ್ದಾರೆ. ಮಗುವಿನ ಬಾಯಿಯನ್ನು ಪರಿಶೀಲಿಸಿದಾಗ ಮಗು ಹಾವನ್ನು ಕಚ್ಚಿರುವುದನ್ನು ನೋಡಿ ವೈದ್ಯರು ಶಾಕ್‌ ಆಗಿದ್ದಾರೆ.

Bihar: Child killed a snake by biting it, family members immediately took the child to a doctor for treatment. Where doctors declared the child healthy🫡
pic.twitter.com/3reJDCKQGD

— Ghar Ke Kalesh (@gharkekalesh) August 20, 2024

ಹಾವಿನ ಮರಿಯೊಂದು ಸತ್ತು ಬಿದ್ದಿದ್ದು, ಮಗು ಕಚ್ಚಿಕೊಂದ ಹಾವು ವಿಷಕಾರಿ ಆಗಿಲ್ಲದ ಕಾರಣ ಮಗುವಿನ ಆರೋಗ್ಯದ ಮೇಲೆ ಇದರ ಪರಿಣಾಮ ಬೀರಿಲ್ಲ ಎಂದು ವೈದ್ಯರು ಹೇಳಿದ ಮೇಲೆ ಕುಟುಂಬಸ್ಥರು ನಿಟ್ಟುಸಿರುವ ಬಿಟ್ಟಿದ್ದಾರೆ.

ಸದ್ಯ ಈ ಘಟನೆ ಗ್ರಾಮದಲ್ಲೆಡೆ ಹರಿದಾಡಿದ್ದು, ವೈರಲ್‌ ಆಗಿದೆ.