ವಿರಾಟ್‌ ಕೊಹ್ಲಿ ಪಡೆಗೆ ಹತ್ತು ದಿನಗಳಲ್ಲಿ 4 ಪಂದ್ಯ!

Team Udayavani, Jun 27, 2019, 5:21 AM IST

ಲಂಡನ್‌: ಕೊಹ್ಲಿ ಪಡೆಯ ವಿಶ್ವಕಪ್‌ ಅಭಿಯಾನ ಪ್ರಾರಂಭವಾದದ್ದೇ ಬಹಳ ವಿಳಂಬವಾಗಿ. ಮೇ 30ರಂದೇ ಪಂದ್ಯಗಳು ಪ್ರಾರಂಭವಾಗಿದ್ದರೂ ಭಾರತ ಮೈದಾನಕ್ಕಿಳಿದದ್ದು ಜೂ. 5ರಂದು. ಇಂಗ್ಲಂಡ್‌, ದಕ್ಷಿಣ ಆಫ್ರಿಕಾ, ಪಾಕಿಸ್ಥಾನ, ಶ್ರೀಲಂಕಾ ಮತ್ತು ಅಫ್ಘಾನಿಸ್ಥಾನ ತಂಡಗಳು ಆಗಲೇ ಎರಡೆರಡು ಪಂದ್ಯಗಳನ್ನು ಆಡಿ ಯಾಗಿತ್ತು. ಐಪಿಎಲ್‌ ಆಡಿದ ಆಟಗಾರರಿಗೆ ತುಸು ವಿಶ್ರಾಂತಿ ನೀಡುವ ಸಲುವಾಗಿ ಭಾರತದ ಪಂದ್ಯವನ್ನು ವಿಳಂಬವಾಗಿ ಪ್ರಾರಂಭಿಸಲಾಗಿದೆ ಎನ್ನುವುದು ಇದಕ್ಕೆ ಕೊಟ್ಟ ಕಾರಣ.

ಆದರೆ ಈಗ ಭಾರತ ತಂಡವೀಗ ಮುಂದಿನ 10 ದಿನಗಳಲ್ಲಿ 4 ಪಂದ್ಯಗಳನ್ನು ಆಡಬೇಕಾದ ಒತ್ತಡಕ್ಕೆ ಸಿಲುಕಿದೆ. ಜೂ. 27ರಂದು ವೆಸ್ಟ್‌ ಇಂಡೀಸ್‌, ಜೂ. 30ರಂದು ಇಂಗ್ಲೆಂಡ್‌, ಜು. 2ರಂದು ಬಾಂಗ್ಲಾದೇಶ ಮತ್ತು ಜು. 6ರಂದು ಶ್ರೀಲಂಕಾ ತಂಡಗಳನ್ನು ಭಾರತ ಎದುರಿಸಬೇಕಿದೆ. 2 ಪಂದ್ಯಗಳ ನಡುವೆ ಕೊಹ್ಲಿ ಪಡೆಗೆ ಸಿಗುವ ಸರಾಸರಿ ವಿಶ್ರಾಂತಿ ಎರಡು ದಿನ ಮಾತ್ರ.