ಅಂತಾರಾಷ್ಟ್ರೀಯ ಕ್ರಿಕೆಟ್‌: ಕೊಹ್ಲಿ 20 ಸಾವಿರ ರನ್‌

Team Udayavani, Jun 28, 2019, 5:50 AM IST

ಮ್ಯಾಂಚೆಸ್ಟರ್‌: ಟೀಮ್‌ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ 20 ಸಾವಿರ ರನ್‌ ಪೂರ್ತಿಗೊಳಿಸಿದ ದಾಖಲೆ ಬರೆದರು. ಇದನ್ನು ಅತೀ ಕಡಿಮೆ 417 ಇನ್ನಿಂಗ್ಸ್‌ಗಳಲ್ಲಿ ಸಾಧಿಸುವ ಮೂಲಕ ನೂತನ ದಾಖಲೆಯನ್ನೂ ಸ್ಥಾಪಿಸಿದರು. ಈ ಸಂದರ್ಭದಲ್ಲಿ ಸಚಿನ್‌ ತೆಂಡುಲ್ಕರ್‌ ಮತ್ತು ಬ್ರಿಯಾನ್‌ ಲಾರಾ ದಾಖಲೆ ಪತನಗೊಂಡಿತು. ಇವರಿಬ್ಬರೂ 453 ಇನ್ನಿಂಗ್ಸ್‌ಗಳಲ್ಲಿ ಈ ಸಾಧನೆ ಮಾಡಿದ್ದರು.

ಈ ಮೈಲುಗಲ್ಲು ನೆಡಲು ಕೊಹ್ಲಿಗೆ 37 ರನ್‌ ಅಗತ್ಯವಿತ್ತು. ವಿಂಡೀಸ್‌ ನಾಯಕ ಹೋಲ್ಡರ್‌ ಎಸೆದ 25ನೇ ಓವರ್‌ನಲ್ಲಿ ಸಿಂಗಲ್‌ ತೆಗೆಯುವ ಮೂಲಕ ಇದನ್ನು ಪೂರ್ತಿಗೊಳಿಸಿದರು.
ವಿರಾಟ್‌ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ 20 ಸಾವಿರ ರನ್‌ ಪೂರ್ತಿಗೊಳಿಸಿದ ವಿಶ್ವದ 12ನೇ ಹಾಗೂ ಭಾರತದ 3ನೇ ಕ್ರಿಕೆಟಿಗ. ಭಾರತದ ಮತ್ತೂಬ್ಬ ಸಾಧಕನೆಂದರೆ ರಾಹುಲ್‌ ದ್ರಾವಿಡ್‌.

ಕೊಹ್ಲಿ ಟೆಸ್ಟ್‌ ಕ್ರಿಕೆಟ್‌ನಲ್ಲಿ 6,613 ರನ್‌, ಏಕದಿನದಲ್ಲಿ 11,159 ರನ್‌ ಹಾಗೂ ಟಿ20ಯಲ್ಲಿ 2,263 ರನ್‌ ಬಾರಿಸಿದ್ದಾರೆ.

ಸತತ 4 ಅರ್ಧ ಶತಕ
ಇದೇ ವೇಳೆ ವಿಶ್ವಕಪ್‌ ಕೂಟವೊಂದರಲ್ಲಿ ಸತತ ನಾಲ್ಕು “50 ಪ್ಲಸ್‌’ ರನ್‌ ಬಾರಿಸಿದ 3ನೇ ನಾಯಕನೆಂಬ ಹೆಗ್ಗಳಿಕೆಯೂ ಕೊಹ್ಲಿ ಅವರ ದಾಯಿತು. ಉಳಿದಿಬ್ಬರು ನಾಯಕರೆಂದರೆ ಗ್ರೇಮ್‌ ಸ್ಮಿತ್‌ (2007) ಮತ್ತು ಆರನ್‌ ಫಿಂಚ್‌ (2019).