ಪ್ರಶಂಸೆಗೆ ಪಾತ್ರವಾದ ವಿರಾಟ್ ಕೊಹ್ಲಿ

Team Udayavani, Jun 10, 2019, 12:49 PM IST

ಲಂಡನ್‌: ಭಾರತ-ಆಸ್ಟ್ರೇಲಿಯ ನಡುವಿನ ವಿಶ್ವಕಪ್‌ ಪಂದ್ಯದ ವೇಳೆ ನಾಯಕ ವಿರಾಟ್ ಕೊಹ್ಲಿ ತೋರ್ಪಡಿಸಿದ ಕ್ರೀಡಾ ಸ್ಫೂರ್ತಿಯೊಂದು ಎಲ್ಲರ ಪ್ರಶಂಸೆಗೆ ಪಾತ್ರವಾಗಿದೆ.

ಆಸ್ಟ್ರೇಲಿಯದ ಸ್ಟೀವನ್‌ ಸ್ಮಿತ್‌ ಬೌಂಡರಿ ಲೈನಿನಲ್ಲಿ ಫೀಲ್ಡಿಂಗ್‌ ಮಾಡುತ್ತಿದ್ದಾಗ ಅಲ್ಲಿದ ಭಾರತೀಯ ಪ್ರೇಕ್ಷಕರು ‘ಚೀಟರ್‌… ಚೀಟರ್‌…’ ಎಂದು ಕೂಗಲಾರಂಭಿಸಿದರು. ಇದು ಸ್ಮಿತ್‌ಗೆ ಬಹಳ ಮುಜುಗರ ಉಂಟುಮಾಡಿತು. ಬ್ಯಾಟಿಂಗ್‌ ಮಾಡುತ್ತಿದ್ದ ಕೊಹ್ಲಿಗೆ ಸ್ಮಿತ್‌ ಅನುಭವಿಸುತ್ತಿದ್ದ ಕಿರಿಕಿರಿ ಗಮನಕ್ಕೆ ಬಂತು.

ಕೂಡಲೇ ಅವರು ಪ್ರೇಕ್ಷಕರತ್ತ ತಿರುಗಿ ‘ಹಾಗೆ ಕೂಗಬಾರದು, ಬದಲಾಗಿ ಚಪ್ಪಾಳೆ ಹೊಡೆಯಿರಿ…’ ಎಂದು ಸನ್ನೆಯ ಮೂಲಕ ಹೇಳಿದರು. ಇದನ್ನು ಅರ್ಥ ಮಾಡಿಕೊಂಡ ಪ್ರೇಕ್ಷಕರು ಅನಂತರ ಸ್ಮಿತ್‌ಗೆ ಕಿರುಕುಳ ನೀಡಲಿಲ್ಲ!