ಬ್ರಿಟನ್‌ ರಾಣಿಯ ಭೇಟಿಯಾದ ಕೊಹ್ಲಿ

Team Udayavani, May 31, 2019, 6:00 AM IST

ಲಂಡನ್‌: ಏಕದಿನ ವಿಶ್ವಕಪ್‌ ಕ್ರಿಕೆಟ್ ಕೂಟ ಆರಂಭಕ್ಕೂ ಮೊದಲು ವಿರಾಟ್ ಕೊಹ್ಲಿ ಬ್ರಿಟನ್‌ ರಾಣಿ ಎಜಿಜಬೆತ್‌ ಸೆಕೆಂಡ್‌ ಅವರನ್ನು ಗುರುವಾರ ಭೇಟಿಯಾಗಿದ್ದಾರೆ. ಕೂಟದ ಉದ್ಘಾಟನಾ ವೇಳೆ ಬಕಿಂಗ್‌ಹ್ಯಾಮ್‌ ಅರಮೆನೆಯಲ್ಲಿ ರಾಣಿ ಜತೆ ಕೊಹ್ಲಿ ಮಾತುಕತೆ ನಡೆಸಿದರು.

ಈ ವೇಳೆ ವಿಶ್ವಕಪ್‌ನಲ್ಲಿ ಪಾಲ್ಗೊಳ್ಳುತ್ತಿರುವ ಎಲ್ಲ ತಂಡದ ನಾಯಕರುಗಳು ಕೂಡ ಹಾಜರಿದ್ದರು. ಈ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಲಾಗಿದೆ. ಇದೇ ವೇಳೆ ಟ್ವೀಟರ್‌ನಲ್ಲಿ ಅನೇಕರು ಕೊಹಿನೂರ್‌ ವಜ್ರವನ್ನು ಮರಳಿ ಭಾರತಕ್ಕೆ ತರುವಂತೆ ಕೊಹ್ಲಿಯನ್ನು ಒತ್ತಾಯಿಸಿದ ಸಾರಸ್ಯಕರ ಟ್ವೀಟ್ ಸಾಮಾಜಿಕ ಜಾಲತಾಣದಲ್ಲಿ ಎಲ್ಲರ ಗಮನ ಸೆಳೆಯಿತು.