Gill ಆರೋಗ್ಯ ಸುಧಾರಿಸುತ್ತಿದೆ,ಇನ್ನೂ ಹೊರಗುಳಿದಿಲ್ಲ: ರಾಹುಲ್ ದ್ರಾವಿಡ್

Team Udayavani, Oct 6, 2023, 7:36 PM IST

ಚೆನ್ನೈ: ಆರಂಭಿಕ ಆಟಗಾರ ಶುಭಮನ್ ಗಿಲ್ ಅವರ ಆರೋಗ್ಯ ಸುಧಾರಿಸುತ್ತಿರುವುದರಿಂದ ಅವರನ್ನು ಇನ್ನೂ ತಂಡದಿಂದ ಹೊರಗಿಡಲಾಗಿಲ್ಲ ಎಂದು ಟೀಂ ಇಂಡಿಯಾ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಅವರು ಶುಕ್ರವಾರ ಖಚಿತಪಡಿಸಿದ್ದಾರೆ.

ಗಿಲ್ ಅವರು ಡೆಂಗ್ಯೂ ನಿಂದ ಬಳಲುತ್ತಿದ್ದು, ಆಸ್ಟ್ರೇಲಿಯ ವಿರುದ್ಧ ಭಾರತದ ವಿಶ್ವಕಪ್ ಆರಂಭಿಕ ಪಂದ್ಯಕ್ಕೆ ಮುಂಚಿತವಾಗಿ ಚೆನ್ನೈನಲ್ಲಿ ನಡೆದ ತರಬೇತಿ ಅವಧಿಯನ್ನು ತಪ್ಪಿಸಿಕೊಂಡಿದ್ದಾರೆ.

‘ಆಸ್ಟ್ರೇಲಿಯ ವಿರುದ್ದದ ಪಂದ್ಯಕ್ಕೆ ಶುಭ್‌ಮನ್ ಲಭ್ಯತೆಯ ಬಗ್ಗೆ ಅನುಮಾನಗಳಿವೆ ಆದರೆ ಇನ್ನೂ 36 ಗಂಟೆಗಳ ಕಾಲಾವಕಾಶವಿದೆ ಮತ್ತು ವೈದ್ಯಕೀಯ ತಂಡವು ಅವರನ್ನು ಮೇಲ್ವಿಚಾರಣೆ ಮಾಡುತ್ತಿದೆ’ ಎಂದು ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ದ್ರಾವಿಡ್ ಪ್ರತಿಪಾದಿಸಿದ್ದಾರೆ.

“ಗಿಲ್ ಅವರು ಉತ್ತಮವಾಗಿದ್ದಾರೆ, ನಮಗೆ ಇನ್ನೂ 36 ಗಂಟೆಗಳಿವೆ, ವೈದ್ಯಕೀಯ ತಂಡವು ಅವರನ್ನು ಮೇಲ್ವಿಚಾರಣೆ ಮಾಡುತ್ತಿದೆ, ಅವರು ಆಡುವುದನ್ನು ಇನ್ನೂ ತಳ್ಳಿಹಾಕಲಾಗಿಲ್ಲ” ಎಂದು ದ್ರಾವಿಡ್ ಹೇಳಿದರು.