ಆಸೀಸ್ ತಂಡಕ್ಕೆ ಮ್ಯಾಥ್ಯೂ ವೇಡ್‌, ಮಿಚೆಲ್‌ ಮಾರ್ಷ್‌ಗೆ ಕರೆ

Team Udayavani, Jul 8, 2019, 12:40 PM IST

ಲಂಡನ್‌: ಗಾಯದ ಸಮಸ್ಯೆಯಲ್ಲಿರುವ ಉಸ್ಮಾನ್‌ ಖವಾಜಾ ಮತ್ತು ಮಾರ್ಕಸ್‌ ಸ್ಟೋಯಿನಿಸ್‌ ಅವರ ಜಾಗಕ್ಕೆ ಆಸ್ಟ್ರೇಲಿಯ ತಂಡ ಮ್ಯಾಥ್ಯೂ ವೇಡ್‌ ಮತ್ತು ಮಿಚೆಲ್‌ ಮಾರ್ಷ್‌ ಅವರನ್ನು ಕರೆಸಿಕೊಂಡಿದೆ.

ದಕ್ಷಿಣ ಆಫ್ರಿಕಾ ವಿರುದ್ಧ ಶನಿವಾರ ನಡೆದ ಪಂದ್ಯದ ವೇಳೆ ಅಗ್ರ ಕ್ರಮಾಂಕದ ಆಟಗಾರ ಖವಾಜಾ ಮಂಡಿ ಗಾಯಕ್ಕೆ ಒಳಗಾದರು. ಸ್ಟೋಯಿನಿಸ್‌ ಕೂಡ ಗಾಯದ ಸಮಸ್ಯೆ ಎದುರಿಸುತ್ತಿದ್ದಾರೆ. ಹೀಗಾಗಿ ಅವರು ಲೀಗ್‌ ಹಂತದ 2 ಪಂದ್ಯಗಳಿಂದ ಹೊರಗುಳಿದಿದ್ದರು. ಹಾಲಿ ಚಾಂಪಿಯನ್‌ ಆಸ್ಟ್ರೇಲಿಯ ಗುರುವಾರ ಎಜ್‌ಬಾಸ್ಟನ್‌ನಲ್ಲಿ ನಡೆಯುವ ಸೆಮಿಫೈನಲ್‌ ಪಂದ್ಯದಲ್ಲಿ ಆತಿಥೇಯ ಇಂಗ್ಲೆಂಡ್‌ ತಂಡವನ್ನು ಎದುರಿಸಲಿದೆ. ಕೂಟದ ಇನ್ನುಳಿದ ಪಂದ್ಯಗಳಿಗೆ ಖವಾಜಾ ಮತ್ತು ಸ್ಟೋಯಿನಿಸ್‌ ಚೇತರಿಸಿಕೊಳ್ಳುವುದು ಅನುಮಾನ.

ಮುನ್ನೆಚ್ಚರಿಕೆಯ ಕ್ರಮವಾಗಿ ವೇಡ್‌ ಮತ್ತು ಮಾರ್ಷ್‌ ತಂಡದಲ್ಲಿ ಇರಲಿದ್ದಾರೆ ಎಂದು ಆಸ್ಟ್ರೇಲಿಯ ತಂಡದ ನಾಯಕ ಏರಾನ್‌ ಫಿಂಚ್ ಹೇಳಿದ್ದಾರೆ