ಮೈದಾನದಲ್ಲಿ ಬಾಲಿವುಡ್‌ ನಟ ರಣವೀರ್‌ ಸಿಂಗ್‌ !

Team Udayavani, Jun 17, 2019, 5:51 AM IST

ಮ್ಯಾಂಚೆಸ್ಟರ್‌: ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನವೆಂದರೆ ಅಲ್ಲಿ ಕ್ರಿಕೆಟಿಗರು, ಅಂಪಾಯರ್‌ಗಳು, ರೆಫ್ರಿಗಳು, ನೇರ ಪ್ರಸಾರ ಸಿಬಂದಿ ಮೊದಲಾದವರು ಇರುತ್ತಾರೆ. ಇವರನ್ನು ಹೊರತುಪಡಿಸಿದ ಮೂರನೇ ವ್ಯಕ್ತಿಗೆ ಅಲ್ಲಿ ಪ್ರವೇಶವಿರುವುದಿಲ್ಲ. ಆದರೆ ಭಾರತ-ಪಾಕ್‌ ಪಂದ್ಯಕ್ಕೂ ಮುನ್ನ ಬಾಲಿವುಡ್‌ ನಟ ರಣವೀರ್‌ ಸಿಂಗ್‌ ದಿಢೀರನೆ ಮೈದಾನದಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದರು.

ಮಾತ್ರವಲ್ಲ ಪಂದ್ಯ ನಡೆಯುತ್ತದೆಯೋ ಹೇಗೆ, ವಾತಾವರಣ ಹೇಗಿದೆ ಎಂಬ ಬಗ್ಗೆ ಸ್ವಾರಸ್ಯಕರ ನಿರೂಪಣೆ ಮಾಡಿದರು. ಜತೆಗೆ ಅಲ್ಲೇ ಓಡಾಡುತ್ತಿದ್ದ ವೀರೇಂದ್ರ ಸೆಹವಾಗ್‌ ಜೊತೆಗೆ ಸೆಲ್ಫಿಯನ್ನೂ ತೆಗೆಸಿಕೊಂಡರು. ರಣವೀರ್‌ ಸಿಂಗ್‌ ಸದ್ಯ ಭಾರತದ 1983ರ ವಿಶ್ವಕಪ್‌ ಕ್ರಿಕೆಟ್ ವಿಜಯದ ಕುರಿತ ಸಿನೆಮಾ ಮಾಡುತ್ತಿದ್ದಾರೆ. ಅದರಲ್ಲಿ ಅವರದ್ದು ಕಪಿಲ್ದೇವ್‌ ಪಾತ್ರ.